CW Santiago – Absoluto Masculino DH
Recital do CW Santiago na División de Honra masculina.
O equipo absoluto do CW Santiago compuxo un auténtico recital en Santa Isabel, derrotando ao Náutico de Vigo por un rotundo 21-8. Os locais comezaron con forza, adiantándose dende o primeiro cuarto, aínda que a falta de acertos ofensivos impediu que a vantaxe fose maior. Con todo, a medida que avanzaba o encontro, o equipo de Santiago agudizou a súa puntería e desatou o seu potencial ofensivo, ampliando a diferenza a seis goles ao final do terceiro cuarto. No último período, o festival ofensivo continuou, pechando unha rotunda vitoria que reafirma o seu bo momento.
CLUB WATERPOLO SANTIAGO 