O Club Waterpolo Santiago pechou a súa participación no Campionato Galego Cadete Mixto de Verán, disputado este sábado en Pontevedra, cun meritorio cuarto posto, confirmando a excelente progresión dun equipo moi novo que continúa dando pasos adiante e competindo cada vez máis preto dos conxuntos de referencia da categoría.
O conxunto santiagués estreouse nos cuartos de final fronte ao ACW, nun encontro que dominou de principio a fin. A intensidade defensiva e a superioridade no xogo permitiron aos nosos cadetes conseguir unha contundente vitoria por 21-0, asegurando así o pase ás semifinais.
Na seguinte eliminatoria esperaba o Real Club Náutico de Vigo, equipo que acabaría proclamándose campión do torneo. A pesar da derrota por 12-3, o CW Santiago ofreceu unha gran imaxe, especialmente no apartado defensivo, competindo durante boa parte do encontro fronte a un dos mellores equipos de Galicia. A falta de acerto nas accións ofensivas impediu que o marcador reflectise a igualdade que por momentos se viu na piscina.
No partido polo terceiro e cuarto posto, os santiagueses volveron demostrar o seu espírito competitivo. Un mal inicio obrigou ao equipo a remar contracorrente, pero lonxe de baixar os brazos, os xogadores reaccionaron e loitaron ata o derradeiro minuto. Finalmente, a vitoria foi para o rival por 13-8, deixando ao CW Santiago na cuarta posición do campionato.
Máis alá da clasificación final, o torneo volve poñer de manifesto a evolución deste grupo ao longo da tempada. O traballo realizado nos adestramentos, o compromiso dos xogadores e a experiencia adquirida competición tras competición permiten ao equipo reducir cada vez máis a distancia cos conxuntos punteiros do waterpolo galego.
Desde o Club Waterpolo Santiago queremos felicitar a todos os xogadores e ao corpo técnico polo esforzo, a dedicación e a actitude demostrada durante todo o campionato. Este cuarto posto é un premio ao traballo realizado e unha motivación máis para seguir medrando de cara aos vindeiros retos.
O combinado benxamín formado por xogadores e xogadoras do CW As Mariñas e do Club Waterpolo Santiago acadou unha brillante segunda posición no Campionato Galego Benxamín Mixto de Verán disputado en Cervo.
A competición contou cun formato especial no que os dous participantes, o RCN Vigo e o combinado As Mariñas–Santiago, disputaron dous encontros para decidir o título autonómico.
Os partidos estiveron marcados pola igualdade, a emoción e o entusiasmo propio destas categorías de formación. No primeiro encontro, o combinado loitou ata o final pero acabou cedendo por un axustado 5-3 ante o conxunto vigués.
No segundo partido, os máis pequenos ofreceron unha magnífica actuación e lograron un valioso empate a oito goles, nun encontro moi disputado que fixo gozar ao numeroso público presente nas bancadas.
Finalmente, o RCN Vigo proclamouse campión galego, mentres que o combinado formado por xogadores do CW As Mariñas e do CW Santiago acadou unha meritoria segunda posición.
Máis aló dos resultados, a fin de semana serviu para seguir acumulando experiencia competitiva, reforzar a formación dos máis pequenos e continuar construíndo o futuro do waterpolo galego desde a base.
O equipo alevín masculino do Club Waterpolo Santiago puxo o broche de ouro á tempada ao proclamarse Campión Galego Alevín de Verán no campionato disputado esta fin de semana na piscina de Lieiro, en Cervo.
📋 Convocatoria
1. Leo Capón 2. Martín Monteagudo 3. Daniel Suárez 4. Daniel Hernández 5. Jacobo Dios 6. Lorenzo Castro 7. Rodrigo Conseil 8. Thiago Sánchez 9. Daniel Insua 10. Leo Mata 11. Nico Villaverde
Os santiagueses completaron un torneo impecable, demostrando desde o primeiro encontro o gran nivel competitivo que os acompañou durante toda a tempada. Na fase de grupos, encadrados no Grupo B, acadaron o liderado tras superar ao CW Coruña (12-4), ao RCN Vigo A (7-5) e ao CW Lugo (13-3), asegurando así o pase á fase eliminatoria como primeiros clasificados.
Nos cuartos de final tocou vivir un encontro especial ante as compañeiras do CW Santiago feminino. Os rapaces impuxeron o seu ritmo de xogo para levarse a vitoria por 11-3 e avanzar ás semifinais.
Na seguinte rolda esperaba novamente o CW Coruña. Nun duelo moito máis igualado do que reflectía o resultado da fase de grupos, os composteláns tiveron que sacar a súa mellor versión para impoñerse por 11-9 e lograr o billete para a gran final.
No partido polo título volvía aparecer no camiño o RCN Vigo A. A final respondeu ás expectativas e estivo marcada pola intensidade, a emoción e a igualdade ata os últimos instantes. Finalmente, o CW Santiago conseguiu unha valiosa vitoria por 5-4 para proclamarse campión galego e culminar unha fin de semana inesquecible.
Este título supón o premio ao esforzo e ao traballo realizado durante toda a tempada por un grupo de xogadores que continúa facendo historia para a canteira do Club Waterpolo Santiago.
O ALEVÍN FEMININO DO CW SANTIAGO SEGUE MEDRANDO EN CERVO
Máis aló da clasificación final, o equipo alevín feminino do Club Waterpolo Santiago deixou moi boas sensacións durante a disputa do Campionato Galego Alevín Mixto de Verán celebrado en Cervo.
As xogadoras santiaguesas afrontaban unha nova experiencia competitiva ante algúns dos mellores equipos galegos da categoría, demostrando ao longo de toda a fin de semana compromiso, esforzo e unha gran actitude dentro da auga.
Na fase de grupos, o CW Santiago quedou encadrado no Grupo A, onde se enfrontou ao RCN Vigo B (3-8), ao CM Ferrol (4-14) e ao CW As Mariñas (2-12). A pesar dos resultados, as compostelás non deixaron de competir en ningún momento e continuaron mostrando a progresión experimentada ao longo da tempada.
Nos cuartos de final, o destino quixo que se cruzasen co equipo masculino do propio club. As rapazas plantaron cara durante moitos momentos do encontro, aínda que finalmente cederon por 3-11.
Xa na loita polos postos do quinto ao oitavo, o CW Santiago enfrontouse ao Marina Ferrol, caendo por 3-9. No último partido do campionato, correspondente á disputa da sétima praza, as santiaguesas loitaron ata o final fronte ao CW Lugo, que acabou impoñéndose por 5-12.
A oitava posición final non debe ocultar o gran traballo realizado por este grupo de xogadoras. A intensidade mostrada, a ilusión coa que afrontaron cada encontro e a súa constante evolución permiten mirar ao futuro con optimismo e confianza nun equipo que segue dando pasos adiante.
Xogadores e Xogadoras do Club Waterpolo Santiago en el Campionato Alevín Mixto de Verán
O equipo alevín masculino proclámase campión galego de verán tras un torneo impecable, mentres que o feminino continúa medrando e deixando moi boas sensacións. O combinado benxamín co CW As Mariñas completa a fin de semana cun meritorio subcampionato galego.
As instalacións da piscina de Lieiro, no concello lucense de Cervo, acolleron durante esta fin de semana os Campionatos Galegos Alevín Mixto e Benxamín Mixto de Verán, nunha intensa cita que reuniu aos mellores equipos da base do waterpolo galego. O Club Waterpolo Santiago participou con dous conxuntos na categoría alevín —masculino e feminino— e cun combinado xunto ao CW As Mariñas na categoría benxamín, acadando uns resultados moi destacados que confirman o gran traballo realizado durante toda a tempada.
O alevín masculino, campión galego tras un torneo impecable
O gran protagonista da fin de semana foi o equipo alevín masculino do CW Santiago, que se proclamou Campión Galego de Verán despois de completar un campionato practicamente perfecto e de superar a todos os seus rivais nun torneo de enorme esixencia.
Os santiagueses comezaron a competición encadrados no Grupo B, onde remataron como líderes tras sumar tres vitorias consecutivas. Na estrea impuxéronse ao CW Coruña por 12-4, posteriormente derrotaron ao RCN Vigo A por 7-5 nun encontro moi disputado, e pecharon a fase de grupos cunha contundente vitoria por 13-3 ante o CW Lugo.
Xa na fase eliminatoria, os composteláns tiveron que afrontar un duelo fratricida nos cuartos de final fronte ao CW Santiago feminino. O equipo masculino impuxo o seu ritmo de xogo para levarse a vitoria por 11-3 e asegurar o pase ás semifinais.
Na antesala da final esperaba novamente o CW Coruña, que puxo en moitas dificultades aos santiagueses. Nun partido moi igualado e emocionante, o CW Santiago conseguiu unha valiosa vitoria por 11-9 que lle daba acceso á gran final.
No encontro polo título volvía aparecer no camiño o RCN Vigo A. A final respondeu ás expectativas e estivo marcada pola igualdade, a intensidade e a emoción ata os últimos segundos. Finalmente, os composteláns lograron impoñerse por un axustado 5-4 para coroar unha extraordinaria actuación e proclamarse campións galegos.
Este novo éxito supón un premio ao esforzo, compromiso e evolución dun grupo que leva varias tempadas demostrando o gran nivel da canteira santiaguesa e que continúa sumando éxitos para o club.
O alevín feminino deixa grandes sensacións
Pola súa banda, o equipo alevín feminino finalizou na oitava posición, un resultado que non reflicte completamente o bo nivel mostrado polas xogadoras ao longo do campionato.
As santiaguesas quedaron encadradas no Grupo A, onde se enfrontaron a rivais de gran entidade. Caeron ante o RCN Vigo B por 3-8, fronte ao CM Ferrol por 4-14 e diante do CW As Mariñas por 2-12. Estes resultados leváronas ao cruce de cuartos de final, onde se mediron ao equipo masculino do propio club, cedendo por 3-11.
Na loita polos postos do quinto ao oitavo, o CW Santiago feminino caeu primeiro ante o Marina Ferrol por 3-9 e posteriormente fronte ao CW Lugo por 5-12 no encontro pola sétima praza.
Máis aló da clasificación final, o torneo deixa unha lectura moi positiva para o conxunto compostelán. As xogadoras demostraron intensidade, compromiso, capacidade de traballo e unha gran progresión ao longo da tempada, deixando entrever un futuro moi prometedor para esta xeración. A experiencia acumulada nesta competición será, sen dúbida, unha valiosa aprendizaxe para seguir medrando nos próximos anos.
Subcampionato galego para o combinado benxamín
O Campionato Galego Benxamín Mixto tamén se disputou durante a mesma fin de semana nas instalacións de Lieiro. Nesta competición, o Club Waterpolo Santiago participou formando combinado co CW As Mariñas, acadando unha brillante segunda posición.
O formato do campionato contou con dous únicos participantes, o combinado CW As Mariñas–CW Santiago e o RCN Vigo, que disputaron dous encontros para decidir o título.
Ambos partidos estiveron marcados pola igualdade e pola gran emoción, contando ademais cun importante respaldo do público presente nas bancadas. No primeiro encontro, o conxunto vigués impúxose por un axustado 5-3. No segundo partido, os máis pequenos ofreceron unha magnífica imaxe e lograron un meritorio empate 8-8.
Con estes resultados, o RCN Vigo proclamouse campión galego, mentres que o combinado formado por xogadores do CW Santiago e do CW As Mariñas acadou unha excelente segunda posición, demostrando unha vez máis o gran futuro que ten o waterpolo de base galego.
Unha fin de semana para celebrar o traballo da canteira
O balance final da fin de semana non pode ser máis positivo para o Club Waterpolo Santiago. Un título galego, un subcampionato e a participación competitiva do equipo feminino confirman o excelente momento que atravesa a base do club compostelán.
Os resultados acadados en Cervo son a recompensa ao esforzo diario dos xogadores e xogadoras, do corpo técnico, das familias e de todas as persoas que traballan para seguir facendo medrar o waterpolo en Santiago. Un novo éxito colectivo que consolida ao CW Santiago como unha das referencias do waterpolo galego de formación e que invita a mirar ao futuro con ilusión e optimismo.
O equipo absoluto masculino do CW Santiago despediu a competición ligueira cunha vitoria por 16-10 diante da súa afección na piscina de Santa Isabel.
Co subcampionato galego xa asegurado antes do encontro, o corpo técnico aproveitou a cita para repartir minutos entre todos os xogadores do cadro e seguir fortalecendo o grupo de cara aos próximos retos. O equipo respondeu cun encontro serio e efectivo que lle permitiu controlar o marcador durante boa parte do partido.
A vitoria serve para pechar unha tempada moi destacada para o waterpolo santiagués. O conxunto compostelán finaliza a Liga Galega de División de Honra na segunda posición e suma ademais a conquista da Copa Galega Absoluta Masculina, acadada meses atrás tras superar ao CW Pontevedra na gran final. Uns resultados que confirman o crecemento deportivo do club e o excelente traballo realizado ao longo de toda a campaña.
O equipo absoluto feminino do CW Santiago volveu demostrar o seu potencial na última xornada da competición galega cunha contundente vitoria por 24-1 fronte ao CW Coruña.
As santiaguesas dominaron o encontro desde o asubío inicial, mantendo unha elevada intensidade defensiva e un gran ritmo de circulación ofensiva que lles permitiu ampliar a diferenza no marcador co paso dos minutos.
O triunfo serve para poñer o broche final a unha tempada na que o equipo volveu competir ao máis alto nivel do waterpolo galego, consolidándose como unha das referencias da División de Honra feminina e mantendo a liña ascendente mostrada durante os últimos anos.
O equipo cadete do CW Santiago pechou a tempada cunha demostración de autoridade nos seus dous últimos encontros ligueiros, nos que acadou dúas contundentes vitorias.
O primeiro triunfo chegou en Santa Isabel fronte ao CW Coruña por un claro 26-2. Os santiagueses deixaron practicamente resolto o encontro xa no primeiro período, o que permitiu ao corpo técnico realizar diferentes probas tácticas e repartir minutos entre todo o equipo.
Na derradeira xornada disputada na Coruña, o dominio compostelán foi aínda maior. O CW Santiago impúxose por 1-31 nun encontro no que a superioridade visitante quedou patente desde os primeiros minutos. O equipo despide así a competición deixando excelentes sensacións e confirmando a progresión dun grupo chamado a seguir dando alegrías ao club nas próximas tempadas.
O CW Santiago La Merenguela puxo o punto e final á competición ligueira cunha fin de semana moi positiva, saldada con dúas importantes vitorias que lle permitiron asegurar a terceira posición final na clasificación.
O primeiro dos encontros enfrontou aos dous equipos infantís do club nun atractivo derbi santiagués. Nun partido moi equilibrado durante boa parte do tempo regulamentario, o conxunto da Merenguela conseguiu abrir unha pequena fenda no marcador nos períodos centrais para acabar impoñéndose por 10-6.
Xa no segundo compromiso da fin de semana, os composteláns ofreceron unha das súas mellores versións da tempada para superar con claridade ao CW Coruña por 11-1. A intensidade defensiva e a eficacia nas accións ofensivas permitiron aos locais controlar o encontro de principio a fin e certificar unha merecida terceira praza que recompensa o traballo realizado durante todo o curso.
INFANTIL B | Un final de liga para estar orgullosos
O CW Santiago B infantil completou unha excelente fin de semana con tres importantes vitorias que lle permitiron finalizar a competición nunha meritoria cuarta posición.
Os santiagueses superaron ao CW Coruña en Santa Isabel por 13-4, venceron posteriormente aos seus homónimos coruñeses por 3-13 e despediron a tempada cun novo triunfo fronte ao ACW por idéntico resultado. En todos os encontros o equipo mostrou unha gran efectividade ofensiva e unha notable solidez defensiva.
A cuarta praza final supón un premio ao traballo desenvolvido durante toda a tempada por un grupo que non deixou de medrar e competir en cada xornada.
O Alevín A do CW Santiago puxo o broche final á competición ligueira cun pleno de vitorias nos seus dous últimos encontros da tempada. Os santiagueses impuxéronse primeiro ao CW Coruña por 11-1 en Santa Isabel nun partido que quedou practicamente resolto desde os primeiros minutos grazas ao gran inicio dos locais.
Xa na derradeira xornada disputada na Coruña, os composteláns volveron sumar os tres puntos tras vencer por 12-15 nun encontro máis aberto do esperado. A gran eficacia ofensiva permitiu ao equipo manter sempre a iniciativa no marcador e despedir a liga cun novo triunfo.
Máis aló dos resultados, o equipo continúa demostrando unha notable progresión durante toda a tempada, consolidándose como un dos conxuntos con maior proxección dentro do waterpolo galego de base.
ALEVÍN B | Competitividade e aprendizaxe ata o último partido
O Alevín B do CW Santiago pechou a súa participación ligueira cun encontro moi disputado fronte ao CW Coruña. Os santiagueses realizaron un gran partido e competiron de igual a igual durante moitos minutos, chegando con opcións aos compases finais.
Finalmente, a maior capacidade física dos visitantes acabou marcando diferenzas nos momentos decisivos para establecer o definitivo 8-10. A pesar da derrota, o equipo deixou unha magnífica imaxe e volveu demostrar a evolución experimentada ao longo da tempada.
Os xogadores e xogadoras continúan acumulando experiencia e formación competitiva, aspectos fundamentais nestas etapas iniciais do seu desenvolvemento deportivo.
O CW Santiago pecha a competición ligueira cunha gran fin de semana marcada polos bos resultados de todas as categorías
O Club Waterpolo Santiago puxo o broche final ás ligas galegas cun intenso fin de semana de competición no que os equipos composteláns disputaron un total de doce encontros, repartidos entre a piscina de Santa Isabel e o desprazamento á Coruña. O balance non puido ser máis positivo, con once vitorias e unha única derrota, confirmando o excelente momento deportivo que atravesa a entidade santiaguesa.
Santa Isabel viviu unha auténtica maratón de waterpolo
A primeira das xornadas celebrouse nas instalacións de Santa Isabel, onde se disputaron oito encontros ao longo de todo o día.
A sesión matinal abriu coa vitoria do equipo alevín A fronte ao CW Coruña por 11-1. Os santiagueses deixaron o partido moi encamiñado desde os primeiros minutos, cun gran inicio que lles permitiu adquirir unha ampla vantaxe. O encontro serviu tamén para que os xogadores con menos minutos seguisen acumulando experiencia competitiva.
A continuación chegou a quenda do infantil B, que tamén superou con claridade ao conxunto coruñés por 13-4. Os locais dominaron tanto o ritmo de xogo como o marcador durante todo o encontro, mostrando unha gran solidez nas dúas áreas.
O terceiro partido da mañá enfrontou aos dous equipos infantís do club nun atractivo derbi interno. O CW Santiago La Merenguela impúxose por 10-6 ao CW Santiago B nun encontro moi igualado durante boa parte do tempo regulamentario. Os da Merenguela lograron romper a igualdade nos cuartos e quintos períodos para acabar certificando unha vitoria que lles permitiu devolver a derrota sufrida no encontro da primeira volta.
A sesión matinal pechouse co duelo da División de Honra feminina. As xogadoras compostelás volveron demostrar o seu potencial cunha contundente vitoria por 24-1 fronte ao CW Coruña. O encontro estivo dominado de principio a fin polas santiaguesas, que mantiveron un elevado nivel de intensidade tanto en defensa como en ataque.
Xa pola tarde chegou a única derrota da fin de semana. O alevín B realizou un gran encontro ante o CW Coruña, pero acabou cedendo por un axustado 8-10. A diferenza física dos visitantes acabou sendo determinante nun partido moi competido e disputado ata os últimos minutos.
O infantil La Merenguela regresou posteriormente á piscina para enfrontarse novamente ao conxunto coruñés, logrando unha brillante vitoria por 11-1. A excelente defensa dos santiagueses e a súa eficacia ofensiva permitíronlles dominar con claridade o encontro e asegurar a terceira posición final na clasificación ligueira.
O equipo cadete tamén sumou unha nova vitoria tras superar ao CW Coruña por un contundente 26-2. O encontro quedou practicamente resolto xa no primeiro período, no que os locais abriron unha ampla diferenza que permitiu ao corpo técnico probar diferentes variantes de xogo de cara aos próximos compromisos.
A xornada concluíu co encontro da División de Honra masculina. Co subcampionato galego xa asegurado e coa Copa Galega conquistada meses atrás, o equipo absoluto masculino despediu a liga cun triunfo por 16-10. O encontro permitiu repartir minutos entre todos os xogadores e pechar a competición cun gran sabor de boca tras unha tempada moi destacada.
Pleno de vitorias na última saída da tempada
O peche definitivo das ligas galegas chegou coa visita á Coruña para disputar catro encontros máis, todos eles resoltos con vitoria compostelá.
O primeiro duelo correspondeu á categoría alevín. O CW Santiago impúxose ao CW Coruña por 12-15 nun encontro intenso e con moito ritmo. Os santiagueses mostraron unha gran eficacia ofensiva, aínda que concederon máis facilidades defensivas das habituais, o que provocou que o resultado fose máis axustado do previsto.
Na categoría infantil, o CW Santiago B venceu con autoridade ao seu rival coruñés por 3-13. Os composteláns marcaron diferenzas desde os primeiros minutos grazas ao seu acerto ofensivo e á súa seriedade defensiva, resultado que lles permitiu finalizar a competición nunha meritoria cuarta posición.
O encontro cadete non deu opción á sorpresa. O CW Santiago mostrou unha clara superioridade e impúxose por un contundente 1-31, nun partido dominado completamente polos visitantes.
A última cita ligueira da tempada correspondeu novamente ao infantil B, que se mediu ao ACW. Os santiagueses despediron a competición cunha nova vitoria por 3-13, nun encontro que serviu para continuar acumulando experiencia e minutos de xogo para os deportistas menos habituais.
Un gran peche para unha tempada para lembrar
Con estes resultados, o Club Waterpolo Santiago pon punto e final ás ligas galegas cun balance moi positivo en todas as categorías. O subcampionato da División de Honra masculina, o título da Copa Galega Absoluta Masculina, o excelente rendemento da División de Honra feminina e a progresión constante dos equipos de base confirman o bo traballo realizado durante toda a tempada por xogadores, xogadoras, adestradores e familias.
A entidade compostelá continúa consolidándose como unha das referencias do waterpolo galego, cun proxecto deportivo que segue medrando ano tras ano tanto en resultados como en formación.
