CRÓNICA CAMPIONATO ALEVÍN
O sábado pasado disputouse en Pontevedra o Campionato Galego Alevín de Inverno con dobre representación por parte do CW Santiago.
Por un lado o equipo A formado polos xogadores de categoría alevín, os cales lograron un terceiro posto, despois de conseguir 2 vitorias e una derrota.
No seu primeiro enfrontamento na fase de grupos perderon 3-5 contra Vigo A, nun partido marcado pola igualdade e onde o maior físico do rival foi clave para o resultado.
No segundo partido do grupo impuxéronse por 8-1 a CN Coruña, equipo que contaba con moitos xogadores que empezaron esta temporada e debutaban en partido, polo que foi una boa oportunidade para dar minutos a todos os xogadores.
Na loita polo terceiro posto contra Vigo B e a pesar de un mal inicio dos santiagueses, este foron capaces de darlle a volta o encontro e impoñerse con claridade por 12-5 logrando o terceiro posto.
Xogaron: Máteo, Carlos, Lucas, Fernando, Uxía, Samuel, Yago e Miguel.
Por outra banda o equipo B formado por xogadores de categoría benxamín remataron o campionato no sexto e último posto, a pesar do cal fixeron una moi boa actuación pois era o único equipo que non contaba con xogadores alevíns.
No primeiro partido para eles perderon contra Vigo B por 1-7, a pesar do cal fixeron un bo traballo defensivo a excepción do segundo cuarto.
No segundo partido enfrontáronse a Pontevedra, equipo que acabaría gañando o campionato e contra o que non puideron facer nada ante un moi bo equipo e que rematou con un marcador de 1-8.
Por ultimo enfrontáronse a CN Coruña polo quinto posto, pero o cansanzo acumulado e a diferenza de físico notouse moito e remataron o partido cun marcador encontra de 2-16.
A pesar dos resultados debemos felicitalos polo traballo realizado que les servirá para o Campionato Benxamín que se celebrará este sábado en Pontevedra e no cal tamén haberá dobre representación.
Xogaron: Magín, Nicolás, Miguel, Ariana, Saray, Pepe, Alex e Guillermo.
CLUB WATERPOLO SANTIAGO 