Autor: Club Waterpolo Santiago

Divírtete cos teus amig@os

aprendendo a xogar ao Waterpolo

Para nen@os entre 8 e 17 anos

campus2016

O CW SANTIAGO CAE
EN SEMIFINAIS DO PLAY OFF

O CW Santiago desprazouse a Pontevedra o pasado sábado para xogar o Segundo e decisivo partido do play off semifinal ante CWG Pontevedra;  despois da derrota en casa fai quince días nos penaltis o partido era decisivo para os santiagueses que saíron moi concentrados e con ánimo de forzar o terceiro partido, pero nun encontro moi igualado durante os dous primeiros cuartos, o terceiro cuarto foi o decisivo e os xogadores locais distanciáronse para aguantar o último cuarto e levar a Vitoria final por doce goles a nove. Como indicabamos anteriormente os dous primeiros parciais saldáronse con empate, dous a dous o primeiro e tres a tres o segundo chegándose ao descanso con empate a cinco despois de que os visitantes tivesen a oportunidade de irse por diante no marcador, pero un penalti errado no último segundo deixou o partido en táboas.  Prevíase igual de igualado os dous seguintes parciais, aínda que os erros en ataque no terceiro cuarto propiciaron que os de Lerez distanciáranse despois dun parcial de catro a un, e que a pesar da insistencia dos visitantes por tentar achegarse no marcador, non lles foi posible xa que os locais souberon manter a calma e acabar o derradeiro cuarto con outro empate a tres que propiciou o resultado final.

SEMIFINAL PLAY OFF ABSOLUTO 1ª DIVISION – 2º Partido

CWG PONTEVEDRA – CW SANTIAGO   12-9 (2-2; 3-3; 4-1; 3-3)

CW SANTIAGO: Adrian García, Miguel Fernandez, Ramón Turnes, Gabor Pazos, Alejandro Padilla, Pablo Piñeiro (3), Brais Raposo (3), Antonio Caamaño (1), Pablo Suarez (1), Angel Carro, Luis Ferrer, Adrian Campaña, Miguel Barca (1)

DÚAS DERROTAS E
UNHA VITORIA
CONTRA GALAICO PONTEVEDRA

Dúas derrotas (alevín e cadete feminino) e unha vitoria (infantil), é o balance cultivado polos nosos equipos este pasado fin de semana no triplo enfrontamento de liga ante o CWG Pontevedra nos respectivos partidos das ligas galegas de categorías.

O primeiro partido do CW Santiago foi en categoría alevín, onde se enfrontaban ao equipo “A” do Galaico Pontevedra, onde nosos peques mantiveron o tipo en defensa ante un equipo moi superior física  e tacticamente pero non puideron perforar a portería pontevedresa en ningunha ocasión.  Aínda así bo partido dos nosos mozos que seguen en continua progresión.

LIGA GALEGA ALEVIN

CW SANTIAGO – CWG PONTEVEDRA  0-7 (0-1; 0-0; 0-2; 0-1; 0-1; 0-2)

CW SANTIAGO: Roberto Carro, Saray Guilbert, Antonio García, Gabriel Lesende, Fernando Ferrer, Uxia Sanluis, Samuel González, Anxo Panero, Miguel Barca, Martin Zas.

O seguinte partido en disputarse foi na categoría cadete feminina, onde o CWG Pontevedra xa campión de liga venceu por dous goles a cinco nun partido rifado e onde a maior puntería das pontevedresas deulles unha vitoria xusta aínda que loitada por ambos equipos. Boa progresión das nosas mozas no seu primeiro ano na categoría.

LIGA GALEGA CADETE FEMININA

CW SANTIAGO – CWG PONTEVEDRA  2-5 (1-1; 0-0; 0-2; 0-2; 0-0; 1-0)

CW SANTIAGO: Sandra Gómez, Saray Guilbert, Martina Couceiro, Laura Sanluis, Rosalia Rey (2), Uxia Sanluis, Natalia Vieites

O último partido en disputarse foi en categoría infantil, e enfrontaba aos santiagueses con Pontevedra  “B”, partido dominado desde o principio polos locais que xa a metade de partido vencían por seis goles  por mor do seu bo facer defensivo e a súa puntería en ataque, que xunto cun bo xogo de contraataque permitiu unha vitoria folgada.

LIGA GALLEGA INFANTIL

CW SANTIAGO – CWG PONTEVEDRA “B”  11-4 (1-0; 3-1; 2-0; 2-0; 1-0; 2-3)

CW SANTIAGO: Iago Garabato, Luis Guilbert (3), Santiago Esturao, Fernando Ferrer, Alex Gómez (4), Natalia Vieites (1), Samuel González, Jorge Gómez (3), Antonio Mallo, Anxo Panero, Martin Zas, Roberto Carro.

DERROTA NOS PENALTIS NO 1º PARTIDO PLAY OFF SEMIFINAL

Este pasado sábado comezou o play off da liga Galega Absoluta de 1ª División co primeiro partido semifinal que enfrontaba en Sta. Isabel ao CW Santiago e CWG Pontevedra, primeiro enfrontamento e primeiro partido moi igualado como se prevía resolvéndose ao final na quenda de penaltis despois de chegar ao final do encontro con empate a quince goles e onde os pontevedreses tiveron máis puntería na quenda de penaltis gañándoos por catro a tres.

Desde o principio foi un partido moi igualado con mínimas vantaxes para un e outro equipo que non supero os dous goles de diferenza, como así reflicte os parciais do encontro. Durante os dous primeiros cuartos sucedéronse os goles dado que as defensas estiveron pouco activas o que motivo dous parciais iguais de catro a catro co que se chegou ao descanso cun empate a oito. O terceiro cuarto os locais conseguiron unha mínima vantaxe dun gol que ao principio do último cuarto conseguiu ser de dous goles pero os visitantes remontaron e puxéronse por diante ata que, a falta de corenta e oito segundos, conseguiron empatar os santiagueses chegando ao final do encontro co mencionado empate a quince. O partido decidiríase nos penaltis para os visitantes despois de que os locais fallasen dous dos seus lanzamentos por un dos pontevedreses.

Este próximo sábado ás 17h no CGTD de Pontevedra segundo partido da semifinal, onde os santiagueses están obrigados a gañar se non queren quedar fóra da final.

PLAY OFF SEMIFINAL LIGA GALEGA ABSOLUTA 1ª DIVISION

CW SANTIAGO – CWG PONTEVEDRA 15 – 15 (4-4; 4-4; 4-3; 3-4) PENALTIS 3-4

CW SANTIAGO: Adrian García, Miguel Fernandez, Ramón Turnes, Alex Gómez, Alejandro Padilla (2), Pablo Piñeiro (6), Brais Raposo (2), Antonio Caamaño (2), Pablo Suarez (3), Angel Carro, Luis Ferrer, Adrian Campaña, Miguel Barca