Categoría: Competición

UN EMPATE E DÚAS DERROTAS EN CORUÑA

 Este pasado sábado o CW Santiago pese ó temporal dirixiuse a Coruña para xogar tres partidos da liga Galega en categorías alevín, cadete e absoluto.

A tarde empezou co partido alevín, que ó igual que o xogado en Santiago resultou moi emocionante e igualado, caendo do lado do equipo coruñés, por un resultado de 6-4. Empezou o partido co equipo santiagués por diante no marcador nos dous primeiros cuartos, pero ó final decantouse a favor dos coruñeses pola súa mellor efectividade de cara á portería. Destacar o bo xogo dos dous equipos que xa nesta categoría empezan a destacar polos seus momentos brillantes de xogo.

CATEGORIA ALEVIN:

CN CORUÑA- CW SANTIAGO  6-4 (1-2; 1-1; 1-0; 1-0; 0-0; 2-1)

Jorge Gómez (1), Luis Guilbert, Roberto Vieiro, Gabor Pazos (2), Rosalía Rey, Alex Gómez (1), Sara Valle, Esteban Carrillo, Daniel Ferreira, Yasin Missler, Berta Cobas, Laura San Luís

 

Despois do igualado partido alevín, tocoulles ós equipos cadetes de ambos clubes, onde os xogadores do equipo coruñés foron moi superiores aínda que cabe destacar a actitude e as ganas do equipo santiagués, moi mermado polas baixas e con varios xogadores infantís, ó que aínda así hai que felicitar polo esforzo realizado.

CATEGORIA CADETE:

CN CORUÑA – CW SANTIAGO  10- 1 (2-0; 3-0; 2-1; 3-0)

Pablo Suarez, Miguel Fernández, Jorge Lareu, Luis Ferrer (1), Héctor Taboada, Nazaret Mayo, Miguel de Uña, Alejandro Valle, Bruno Sampaño, Manuel Cebey

 

Por último celebrouse o partido en categoría absoluta que foi á postre o partido máis igualado de todos, e aínda que o equipo santiagués foi durante a maior parte do partido por diante no marcador, un nefasto terceiro cuarto con cinco goles en contra supuxo unha lousa que a punto estivo de dar ó traste co bo partido realizado nos outros tres cuartos, e tendo en conta que a falta de 42” CN Coruña se puxo por primeira vez por diante no marcador, o equipo Santiagués soubo volver a poñer as tablas na última xogada do partido a falta de 8” por mediación de Fernando Mayer, pódese considerar que o empate foi un  resultado xusto.

CATEGORIA ABSOLUTA:

CN CORUÑA – CW SANTIAGO 12-12 (2-2; 1-3; 5-3; 4-4)

Mateo Raposo, Adrián Campaña, Luis Ferrer, Fernando Mayer (2), Borja Iglesias, Pablo Piñeiro (5), Brais Raposo (3), Antonio Caamaño (1), Yago Veiga, Angel Carro, Pablo Suarez, Alberto Tome (1), David Raposo.

 

Esta próxima fin de semana nova cita do CW SANTIAGO esta vez nas piscinas de Sta.Isabel, para xogar ás 16h un partido amistoso femenino entre un combinado do CW SANTIAGO e CN CORUÑA contra G.PONTEVEDRA, e dous partidos máis da liga, o primeiro ás 17.30h en categoría cadete e o segundo ás 19h contra o absoluto do G.PONTEVEDRA no cal esperamos resarcirnos da derrota do partido da primeira volta.

 

¡¡¡ESPERÁMOSVOS A TODOS PARA ANIMAR!!!

Despois do parón de Nadal, o CW Santiago volveu ós partidos de liga cos seus equipos esta fin de semana.

O sábado pola tarde o equipo infantil impúxose claramente na piscina do CN Coruña por un resultado de 1-10, que aínda que o marcador reflexa un partido moi cómodo, durante os dous primeiros cuartos custoulles entrar no xogo, pero ó final acabou impoñéndose sen paliativos.

CATEGORIA INFANTIL.  CN CORUÑA – CW SANTIAGO   1 – 10  (0-2; 0-1; 1-4; 0-3)

Javi Romaris, Daniel Pérez (1), Otto Gothlin, Alexo Castro, Alex Valle (3), Alex Gómez (1), Gabor Pazos, Esteban Carrillo, Sara Valle, David Romeu (2), Rosalía Rey, Bruno Sampaño (1), Manuel Cebey (1)

 

Unha vez rematado o partido infantil, xogouse o partido da 2ª división entre os dous equipos “B” dos mesmos clubes, que resultou un partido moi igualado, no que ningún dos dous equipos estivo máis de dous goles arriba ou abaixo, xogando con moita intensidade aínda que por momentos bastante tolo, e que ó final acabou da parte dos nosos xogadores.

CATEGORIA ABSOLUTO “B”.  CN CORUÑA “B” – CW SANTIAGO “B”  10 – 12   (2-1; 2-4; 4-3; 2-4)
Carlos Viaño, José Mª del Rio, Fernando Mayer (2), Borja Iglesias (1), Jacobo Pérez, Angel Carro (3), Luis Ferrer, Dani Tome (4), Pablo Suarez, Alberto Tome (2), David Raposo.

 

O domingo pola tarde tocoulle ó equipo absoluto de 1ª división desplazarse a Ferrol para xogar o partido aplazado que se debía ter disputado en decembro. Foron a unha piscina de Ferrol na que os nosos xogadores sempre acostuman ter partidos igualados e este non foi diferente, resolvéndoo ó final no último cuarto cun parcial de 1-4.

Empezou o partido como o resto de categorías, con moitos erros por parte dos nosos xogadores, cun traballo defensivo moi bo pero con moitos fallos en ataque, dando pé ós xogadores locais a estar no partido en todo momento. Parecía que ó principio do segundo cuarto dous goles seguidos de Fernando Mayer poñían as cousas no seu sitio, pero un par de erros defensivos e algunha boa acción do equipo local púxoos por diante do marcador no segundo cuarto e empatados ó final do terceiro, pero a maior calidade e físico decidiu no último cuarto.

CATEGORIA ABSOLUTA.  C MARINA FERROL – CW SANTIAGO  7-10   (1-1; 3-2; 2-3; 1-4)
Mateo Raposo, Adrian Campaña, Luis Ferrer, Fernando Mayer (4), Borja Iglesias, Pablo Piñeiro (3), Brais Raposo (1), Antonio Caamaño, Angel Carro, Pablo Suarez (1), Alberto Tome, David Raposo.

 

Esta próxima fin de semana o CW Santiago volve a Coruña, para xogar o sábado cos alevíns, cadetes e absolutos unha nova xornada de liga, con horarios 16h, 17.15h e 18.30h respectivamente.