Club Waterpolo Santiago: Cuarto no campionato xuvenil

O pasado sábado día 22 de febreiro, disputouse o Campionato Xuvenil Galego de Waterpolo en Santiago, onde o noso equipo rematou cuarto despois de perder na primeira semifinal fronte o RCN de Vigo. Remataron perdendo por un axustado 6 a 5, despois de ir por diante no marcador durante a maior parte do encontro. Nesta semifinal, foron claves as ocasións falladas destacando o derradeiro minuto de xogo, moi polémico; onde se puido pasar de gañar a perder a falta de dezasete segundos para o remate do encontro. Na derradeira xogada, non houbo nin sequera oportunidade a executar un lanzamento a porta polos nosos xogadores. Isto supuxo ter que xogar á tarde polo terceiro e cuarto posto.

Tras a decepción da mañá, os nosos xogadores tentaron sobrepoñerse coa intención de afrontar a loita polo bronce fronte o equipo de Pontevedra, perdedor da outra semifinal da mañá. Neste partido os xogadores de Pontevedra estiveron moito máis acertados e gañaron o partido por un claro marcador de 13 a 10. Foi un partido con pouca historia, onde os xogadores santiagueses aguantaron ata o derradeiro minuto do primero cuarto, onde tres erros defensivos doulles una vantaxe ao equipo pontevedrés que souberon administrar durante todo o partido a pesar dos repetidos intentos dos santiagueses por sacar adiante este encontro.

CAMPEONATO GALEGO xUVENIL

 

SÁBADO 22 DE FEBREIRO MAÑÁN

 

1ª SEMIFINAL: CW SANTIAGO – RCN DE VIGO   5-6 (1-0; 1-0; 1-3; 2-3)

 

CW SANTIAGO: Carlos Viaño, Miguel Fernández, Luis Ferrer, Otto Gothlin, Héctor Taboada, Jorge Lareu, David Romeu, Jesús Montoiro (1), Pablo Suarez (2), Angel Carro (2), Xoaquin Gendra, Bruno Sampaño, Javier Romaris.

 

2ª SEMIFINAL: CN CORUÑA – CWG PONTEVEDRA   7-5

 

 

SÁBADO 22 DE FEBREIRO SERÁN

 

3º – 4º POSTO: CW SANTIAGO – CWG PONTEVEDRA  10 – 13 (2-5; 1-1; 2-5; 5-2)

 

CW SANTIAGO: Carlos Viaño, Miguel Fernández (1), Luis Ferrer (1), Alejandro Valle, Héctor Taboada, Jorge Lareu, David Romeu, Jesús Montoiro, Pablo Suarez (5), Angel Carro (3), Xoaquin Gendra, Bruno Sampaño, Antón Gendra.

 

FINAL: CN CORUÑA – RCN DE VIGO    11-5

 

Clasificación final:

                      CAMPIÓN            CN CORUÑA

                      SEGUNDO          RCN DE VIGO

                      TERCEIRO         CWG PONTEVEDRA

                      CUARTO              CW SANTIAGO