Despois do parón de Nadal, o CW Santiago volveu ós partidos de liga cos seus equipos esta fin de semana.

O sábado pola tarde o equipo infantil impúxose claramente na piscina do CN Coruña por un resultado de 1-10, que aínda que o marcador reflexa un partido moi cómodo, durante os dous primeiros cuartos custoulles entrar no xogo, pero ó final acabou impoñéndose sen paliativos.

CATEGORIA INFANTIL.  CN CORUÑA – CW SANTIAGO   1 – 10  (0-2; 0-1; 1-4; 0-3)

Javi Romaris, Daniel Pérez (1), Otto Gothlin, Alexo Castro, Alex Valle (3), Alex Gómez (1), Gabor Pazos, Esteban Carrillo, Sara Valle, David Romeu (2), Rosalía Rey, Bruno Sampaño (1), Manuel Cebey (1)

 

Unha vez rematado o partido infantil, xogouse o partido da 2ª división entre os dous equipos “B” dos mesmos clubes, que resultou un partido moi igualado, no que ningún dos dous equipos estivo máis de dous goles arriba ou abaixo, xogando con moita intensidade aínda que por momentos bastante tolo, e que ó final acabou da parte dos nosos xogadores.

CATEGORIA ABSOLUTO “B”.  CN CORUÑA “B” – CW SANTIAGO “B”  10 – 12   (2-1; 2-4; 4-3; 2-4)
Carlos Viaño, José Mª del Rio, Fernando Mayer (2), Borja Iglesias (1), Jacobo Pérez, Angel Carro (3), Luis Ferrer, Dani Tome (4), Pablo Suarez, Alberto Tome (2), David Raposo.

 

O domingo pola tarde tocoulle ó equipo absoluto de 1ª división desplazarse a Ferrol para xogar o partido aplazado que se debía ter disputado en decembro. Foron a unha piscina de Ferrol na que os nosos xogadores sempre acostuman ter partidos igualados e este non foi diferente, resolvéndoo ó final no último cuarto cun parcial de 1-4.

Empezou o partido como o resto de categorías, con moitos erros por parte dos nosos xogadores, cun traballo defensivo moi bo pero con moitos fallos en ataque, dando pé ós xogadores locais a estar no partido en todo momento. Parecía que ó principio do segundo cuarto dous goles seguidos de Fernando Mayer poñían as cousas no seu sitio, pero un par de erros defensivos e algunha boa acción do equipo local púxoos por diante do marcador no segundo cuarto e empatados ó final do terceiro, pero a maior calidade e físico decidiu no último cuarto.

CATEGORIA ABSOLUTA.  C MARINA FERROL – CW SANTIAGO  7-10   (1-1; 3-2; 2-3; 1-4)
Mateo Raposo, Adrian Campaña, Luis Ferrer, Fernando Mayer (4), Borja Iglesias, Pablo Piñeiro (3), Brais Raposo (1), Antonio Caamaño, Angel Carro, Pablo Suarez (1), Alberto Tome, David Raposo.

 

Esta próxima fin de semana o CW Santiago volve a Coruña, para xogar o sábado cos alevíns, cadetes e absolutos unha nova xornada de liga, con horarios 16h, 17.15h e 18.30h respectivamente.

O CW Santiago “B” obtivo a súa seguda victoria da temporada na liga de 2ª división na piscina do CGTD de Pontevedra contra o CW Padrón nun gran encontro dos nosos xogadores máis novos que souberon xogar e demostrar a súa calidade contra un equipo moito máis físico, pero que nada puido facer ante o maior empuxe e condición física dos nosos, que souberon xogar de igual a igual, e ó final acabar gañando o partido.

Comezou o partido cos dous primeiros cuartos moi igualados, chegando á metade do encontro con empate a catro, que facía presaxiar que o partido sería igualado ata o final. No terceiro cuarto os santiagueses colleron unha vantaxe de dous goles, que souberon administrar e incluso aumentar, ata chegar ó final do partido cunha victoria por trece goles a nove.

Destacar o gran xogo de equipo, con xogadas e goles de moi boa calidade, que fai presaxiar que este equipo ten un moi bo futuro.

CATEGORIA ABSOLUTA 2ª DIVISION

CW PADRON – CW SANTIAGO “B” 9-13 (2-2; 2-2; 2-4; 3-5)

Carlos Viaño, Adrian Pallares, Ramón Turnes (3), Fernando Mayer (3), Borja Iglesias, Carlos Bouzas, José Mª del Río, Raúl Gallego (3), Luis Ferrer (1), Pablo Suarez (1), Alberto Tome (2).

Este pasado sábado o CW Santiago desplazouse a Vigo para disputar unha nova xornada de liga nas categorías: infantil, cadete e absoluto.

A xornada empezou co enfrontamento do partido infantil, que chegou a Vigo con varias baixas importantes e que nada puido facer ante a superioridade do equipo vigués, tanto técnica como fisicamente.

CATEGORIA INFANTIL

RCN VIGO – CW SANTIAGO 13-5 (4-0; 3-1; 2-1; 4-3)
Javier Romaris (2), Daniel Pérez, Otto Gothlin, Alexo Castro, Alex Gómez, Gabor Pazos (1), Esteban Carrillo, David Romeu, Bruno Sampaño (1), Manuel Cebey (1)

 

Despois dos infantís, tocoulle o turno ós cadetes, que conseguiron manter igualado o partido os dous primeiros cuartos, chegando ó descanso con empate a cinco, pero nos dous últimos cuartos a falta de acerto ofensivo condenoulles a unha derrota final por dez a cinco.

CATEGORIA CADETE

RCN VIGO – CW SANTIAGO 10-5 (3-1; 2-4; 3-0; 2-0)
Carlos Viaño, Miguel Fernández, Jorge Lareu, Pablo Suarez (3), Luis Ferrer (1), Héctor Taboada (1), Nazaret Mayo, Moisés del Puerto, Alejandra Rey, Bruno Sampaño, Alexo Castro.

 

Por último tivo lugar o encontro do equipo absoluto, que despois dun comezo con moitos fallos de cara á portería contraria, non tivo problemas para solventar un partido moi cómodo, mantendo a portería a cero en tres dos catro cuartos.

CATEGORIA ABSOLUTA
RCN VIGO – CW SANTIAGO 2-18 (2-3; 0-5; 0-5; 0-5)
Mateo Raposo, Adrian Campaña (1), Luis Ferrer, Adrian Pallares (1), Daniel Tome (1), Pablo Piñeiro (5), Brais Raposo(3), Antonio Caamaño (4), Carlos Bouzas, Angel Carro (1), Pablo Suarez, Alberto Tome (1), David Raposo

 

Esta próxima fin de semana tócalle o turno ó equipo “B”, na súa liga de 2ª División, contra o CN Padrón en Pontevedra.