O equipo alevín masculino do Club Waterpolo Santiago puxo o broche de ouro á tempada ao proclamarse Campión Galego Alevín de Verán no campionato disputado esta fin de semana na piscina de Lieiro, en Cervo.

📋 Convocatoria

1. Leo Capón
2. Martín Monteagudo
3. Daniel Suárez
4. Daniel Hernández
5. Jacobo Dios
6. Lorenzo Castro
7. Rodrigo Conseil
8. Thiago Sánchez
9. Daniel Insua
10. Leo Mata
11. Nico Villaverde

Os santiagueses completaron un torneo impecable, demostrando desde o primeiro encontro o gran nivel competitivo que os acompañou durante toda a tempada. Na fase de grupos, encadrados no Grupo B, acadaron o liderado tras superar ao CW Coruña (12-4), ao RCN Vigo A (7-5) e ao CW Lugo (13-3), asegurando así o pase á fase eliminatoria como primeiros clasificados.

Nos cuartos de final tocou vivir un encontro especial ante as compañeiras do CW Santiago feminino. Os rapaces impuxeron o seu ritmo de xogo para levarse a vitoria por 11-3 e avanzar ás semifinais.

Na seguinte rolda esperaba novamente o CW Coruña. Nun duelo moito máis igualado do que reflectía o resultado da fase de grupos, os composteláns tiveron que sacar a súa mellor versión para impoñerse por 11-9 e lograr o billete para a gran final.

No partido polo título volvía aparecer no camiño o RCN Vigo A. A final respondeu ás expectativas e estivo marcada pola intensidade, a emoción e a igualdade ata os últimos instantes. Finalmente, o CW Santiago conseguiu unha valiosa vitoria por 5-4 para proclamarse campión galego e culminar unha fin de semana inesquecible.

Este título supón o premio ao esforzo e ao traballo realizado durante toda a tempada por un grupo de xogadores que continúa facendo historia para a canteira do Club Waterpolo Santiago.

O ALEVÍN FEMININO DO CW SANTIAGO SEGUE MEDRANDO EN CERVO

Máis aló da clasificación final, o equipo alevín feminino do Club Waterpolo Santiago deixou moi boas sensacións durante a disputa do Campionato Galego Alevín Mixto de Verán celebrado en Cervo.

As xogadoras santiaguesas afrontaban unha nova experiencia competitiva ante algúns dos mellores equipos galegos da categoría, demostrando ao longo de toda a fin de semana compromiso, esforzo e unha gran actitude dentro da auga.

1. Adela Cajaraville
2. Celia Domínguez
3. Gabriela Brión
5. Naira Pinaque
6. Lía Barbeito
7. Vera Taladrid
9. Xiana Carballo
10. Lucía López

Na fase de grupos, o CW Santiago quedou encadrado no Grupo A, onde se enfrontou ao RCN Vigo B (3-8), ao CM Ferrol (4-14) e ao CW As Mariñas (2-12). A pesar dos resultados, as compostelás non deixaron de competir en ningún momento e continuaron mostrando a progresión experimentada ao longo da tempada.

Nos cuartos de final, o destino quixo que se cruzasen co equipo masculino do propio club. As rapazas plantaron cara durante moitos momentos do encontro, aínda que finalmente cederon por 3-11.

Xa na loita polos postos do quinto ao oitavo, o CW Santiago enfrontouse ao Marina Ferrol, caendo por 3-9. No último partido do campionato, correspondente á disputa da sétima praza, as santiaguesas loitaron ata o final fronte ao CW Lugo, que acabou impoñéndose por 5-12.

A oitava posición final non debe ocultar o gran traballo realizado por este grupo de xogadoras. A intensidade mostrada, a ilusión coa que afrontaron cada encontro e a súa constante evolución permiten mirar ao futuro con optimismo e confianza nun equipo que segue dando pasos adiante.

📋 Convocatoria

O Alevín A do CW Santiago puxo o broche final á competición ligueira cun pleno de vitorias nos seus dous últimos encontros da tempada. Os santiagueses impuxéronse primeiro ao CW Coruña por 11-1 en Santa Isabel nun partido que quedou practicamente resolto desde os primeiros minutos grazas ao gran inicio dos locais.

Xa na derradeira xornada disputada na Coruña, os composteláns volveron sumar os tres puntos tras vencer por 12-15 nun encontro máis aberto do esperado. A gran eficacia ofensiva permitiu ao equipo manter sempre a iniciativa no marcador e despedir a liga cun novo triunfo.

Máis aló dos resultados, o equipo continúa demostrando unha notable progresión durante toda a tempada, consolidándose como un dos conxuntos con maior proxección dentro do waterpolo galego de base.

ALEVÍN B | Competitividade e aprendizaxe ata o último partido

O Alevín B do CW Santiago pechou a súa participación ligueira cun encontro moi disputado fronte ao CW Coruña. Os santiagueses realizaron un gran partido e competiron de igual a igual durante moitos minutos, chegando con opcións aos compases finais.

Finalmente, a maior capacidade física dos visitantes acabou marcando diferenzas nos momentos decisivos para establecer o definitivo 8-10. A pesar da derrota, o equipo deixou unha magnífica imaxe e volveu demostrar a evolución experimentada ao longo da tempada.

Os xogadores e xogadoras continúan acumulando experiencia e formación competitiva, aspectos fundamentais nestas etapas iniciais do seu desenvolvemento deportivo.

O CW Santiago B afrontou unha dobre xornada durante a fin de semana, competindo ante RCN Vigo e os equipos do CW Pontevedra. No primeiro encontro, os santiagueses caeron por 2-12 fronte a un rival moi sólido que dominou desde os primeiros minutos. Xa no domingo, os locais volveron competir con intensidade ante o CW Pontevedra Turuqoa, nun encontro no que os máis novos nunca deixaron de loitar pese ao resultado final de 6-11.

No segundo encontro da mañá, o CW Santiago A – medíase ao CW Pontevedra Teucro. Os santiagueses mantiveron o partido igualado durante os dous primeiros cuartos, pero o acerto visitante no terceiro período acabou sendo decisivo para o definitivo 7-16. Máis aló dos resultados, o equipo continúa acumulando experiencia e minutos de competición.

Na categoría alevín tamén houbo grandes resultados para os equipos santiagueses.

• O Santiago A venceu ao Santiago B por 12-3 no encontro correspondente á Liga Galega Alevín Mixta.
• O domingo, o equipo alevín derrotou ao CW As Mariñas por 11-1, mantendo así a segunda posición da clasificación.

Pola súa banda, o Alevín B competiu a bo nivel en Vigo, aínda que acabou caendo por 8-5 nun partido moi disputado.

O equipo alevín B do Club Waterpolo Santiago disputou un esixente encontro fronte ao CM Ferrol, que rematou cun resultado de 5-11 favorable aos visitantes.

O partido comezou cun alto nivel de igualdade, con boas accións por parte do conxunto santiagués tanto en defensa como en ataque. Durante os primeiros períodos, o equipo foi quen de manter o ritmo do encontro e competir en igualdade de condicións.

Porén, a partir do terceiro período, a maior capacidade física do rival comezou a marcar diferenzas no marcador. A pesar disto, o equipo non baixou os brazos e continuou loitando ata o final, amosando unha boa actitude competitiva.

Máis alá do resultado, o encontro deixa conclusións positivas dentro do proceso formativo do equipo, que continúa medrando e sumando experiencia en competición oficial.

Na sesión vespertina, o Club Waterpolo Santiago recibiu ao Club Waterpolo Pontevedra

Gran actuación do equipo alevín A, que se impuxo con claridade por 12-2. Dende o primeiro cuarto marcaron diferenzas cun xogo dinámico e eficaz, consolidándose na segunda posición e evidenciando a súa evolución xornada tras xornada.

Na sesión vespertina, o Club Waterpolo Santiago recibiu ao Club Waterpolo Pontevedra

Os máis pequenos enfrontáronse ao líder da categoría, nun partido no que os visitantes foron superiores (1-10). A pesar do resultado, o equipo continúa mostrando unha progresión constante e mellora nas súas capacidades dentro da auga.

O primeiro encontro da xornada rematou con vitoria para os locais por 12-7. O partido mantívose igualado durante os tres primeiros cuartos, aínda que o Santiago sempre levou a iniciativa no marcador (agás no 0-1 inicial). No cuarto período, unha defensa sólida e o acerto ofensivo permitiron abrir unha vantaxe decisiva que souberon conservar ata o final.

Dominio claro e consolidación nos postos altos

O equipo alevín A do CW Santiago volveu demostrar o seu bo momento de forma cunha vitoria contundente por 12-2 ante o Club Marina Ferrol.

Desde o inicio do encontro, os santiagueses impuxeron o seu ritmo de xogo, cunha alta intensidade defensiva e unha gran capacidade para circular o balón en ataque. O control do partido foi total, con diferenzas no marcador xa nos primeiros minutos que permitiron ao equipo xogar con confianza e seguridade.

Destacou especialmente o xogo colectivo, con participación activa de todos os xogadores tanto en tarefas defensivas como ofensivas. A capacidade para finalizar xogadas e a boa lectura do xogo foron claves para ampliar a vantaxe ao longo do encontro.

Este resultado permite ao equipo manterse na zona alta da clasificación, confirmando a súa regularidade e evolución ao longo da tempada.

Pola súa banda, o equipo feminino do Club Waterpolo Santiago afrontaba en As Pontes o seu primeiro campionato xogando xuntas nesta tempada, unha experiencia que serviu para sumar minutos, aprendizaxe e confianza, rematando nunha meritoria oitava posición final.

As santiaguesas quedaron encadradas no grupo C, onde se mediron a rivais de gran entidade. No primeiro encontro caeron ante Pontevedra Lerez por 10-0 e repetiron resultado fronte ao Náutico de Vigo, marcadores que as enviaron á loita polos postos do sétimo ao noveno.

Nesa segunda fase, o primeiro duelo ante Coruña rematou cun 10-1 adverso, pero o equipo soubo reaccionar e pechar o campionato cunha convincente vitoria por 14-4 ante a Asociación Coruñesa de Waterpolo. Este triunfo permitiulles asegurar a oitava praza e, sobre todo, confirmar a progresión dun grupo que deu os seus primeiros pasos competitivos conxuntos e que amosa un prometedor futuro.