Como cada ano, a partir do próximo venres 1 de xuño, os entrenos dos deportistas do Clube Waterpolo Santiago cambian de horario e de piscina. Dos que tiñamos establecidos desde o mes de octubre ata maio, nas piscinas do Sar, pasamos ós seguintes:
de LUNS a VENRES
de 19.30 a 20.30h
na PISCINA DE STA.ISABEL
¡Ánimo rapaces/rapazas que estamos traballando moi ben!
Xa se coñecen os enfrontamentos da Copa Galega Absoluta Masculina e Feminina que se disputará o próximo día 2 de xuño en Santiago, nas instalacións de Santa Isabel.
As semifinais masculinas serán CW. Santiago contra o gañador do RC.Náutico de Vigo – Pabellón Ourense (4ºposto), e o Galaico Pontevedra contra Natación Coruña.
A Copa Galega Feminina disputarase en forma de liguilla entre os tres clubes participantes, coa seguinte orde de partidos: CW. Santiago – CN. Coruña, CN. Coruña – Galaico Pontevedra e CW. Santiago – Galaico Pontevedra.
Esperámosvos a todos para animar ós nosos equipos e que haxa un gran ambiente coma no Play-Off da liga, e sobre todo, desexámoslle moita sorte a tódolos equipos participantes.
Este sábado día 26 (por motivo da clausura dos cursos de natación escolar de Sta.Isabel) e o próximo sábado 2 de Xuño (por celebrarse as Copas Galegas Absolutas de Waterpolo, masculina e feminina) suspéndense os adestramentos do equipo.
Este pasado fin de semana celebrouse en Madrid a fase de ascenso a 2ª División Nacional na que participou o noso club, obtendo unha meritoria 4ª praza despois de obter unha vitoria ante Galaico Pontevedra e tres derrotas ante os tres equipos madrileños, Cuatro Caminos, Concepción “B” e Canoe “B”.
Empezou a fase o venres pola tarde xogando contra Cuatro Caminos nun partido con moitos altibaixos e no que pesou sobre todo o desprazamento xa que se chegou un par de horas antes de comezar o partido, o cal foi moi igualado no primeiro cuarto, pero ao final a maior condición física decantou o resultado a favor do equipo madrileño.
O sábado pola mañá xogouse o segundo partido, esta vez ante o Galaico Pontevedra, o outro equipo galego na fase, obtendo unha vitoria bastante cómoda, xa que agás o 1-0 inicial, o equipo sempre foi por diante no marcador mesmo chegou a marchar en varias ocasións tres goles por diante, rematando o partido dous goles arriba.
O terceiro partido foi sen lugar a dúbidas o peor partido disputado, empezando ben o primeiro cuarto, e sen historia o resto, cunha cómoda vitoria do Concepción “B”.
O cuarto e último partido foi ante o Grande favorito e equipo que ao final gañou a fase, o Canoe “B”, foi o domingo pola mañá, e despois de empezar moi frouxos o primeiro cuarto, os nosos xogadores espertaron no segundo e terceiro cuarto, dando moita guerra ao campión, notando ao final do partido o cansazo.
Sen lugar a dúbidas gañouse moita experiencia sobre todo os máis novos, para novas fases de ascenso que esperemos ir nos próximos anos.
EQUIPO CW SANTIAGO
HUGO BUJAN, ADRIAN CAMPAÑA, ESTEBAN LAMADRID, DANI GARCIA, ANGEL CARRO, PABLO PIÑEIRO, BRAIS RAPOSO, ANTONIO CAAMAÑO, PABLO LEIS, PABLO SUAREZ, ALBERTO TOME e DAVID RAPOSO.
Como consecuencia de cambios motivados polas competicións do equipo absoluto masculino e para aproveitar a dispoñibilidade de auga derivada dos mesmos, cambiase o horario de adestramentos na semana do 14 ao 25 de maio.
Este pasado sábado día 5 de maio catro xogadores do CW SANTIAGO: Angel Carro (1996), Adrian Pallares (1996), Carlos Viaño (1997) e Luis Ferrer (1997), acudiron a Pontevedra para ás Xornadas de Tecnificación cadete coa presenza de Antonio Aparicio, técnico da Real Federacion Española de Natación e máximo responsable do Plan Nacional de Tecnificación de Wáter-Polo.
A xornada estivo dividida en dúas sesións, pola mañá de 11 a 13.30 h, facendo traballo técnico-táctico, alternando exercicios estáticos en grupo e movementos defensivos de situacións de partido. A segunda sesión comezou ás 16 h e estivo dividida en movementos defensivos en estático, de ataque en movemento e finalmente partidos.
Moi boa actitude de todos os xogadores, notándose o cansazo ao final da sesión, moi boa experiencia para os nosos xogadores que esperemos sírvalles para continuar adestrando coa mesma actitude e ganas.
