Este domingo pasado os equipos do Club Waterpolo Santiago desprazáronse a Ferrol para un dobre enfrontamento en categorías das ligas Galegas con vitoria para o cadete mixto e derrota do infantil
masculino en categoría infantil mixta.
Iniciou a xornada o equipo cadete que venceu nun partido con dúas caras, un primeiro e segundo cuarto que pese a unha boa defensa non estiveron acertados en ataque con erros e perdas de balón daba vantaxe ao descanso aos ferrolanos cunha vantaxe de catro a dous que poñía costa arriba o partido aos santiagueses, pero unha gran reacción nos dous últimos cuartos cunha gran defensa e bo ataque provoco que desen a volta ao marcador para acabar vencendo por un resultado final de cinco goles a nove.
LIGA GALEGA CADETE MIXTA
CM FERROL – CW SANTIAGO 5- 9 (1-0; 3-2; 1-4; 0-3)
CW SANTIAGO: RAUL SEOANE, CARLOS ORDOÑEZ (5), YAGO DIAZ (2), SEBASTIAN ALTAMIRANO (1), DIEGO FAGUNDEZ, MIGUEL BARCA (1), NICO COLLAZO, LUCAS GARCIA, IAGO FERNANDEZ, BIEITO CARBALLO, MATEO LAMAS, GUILLERMO CARRILLO, MAGIN LOPEZ
Logo da vitoria cadete enfrontáronse os equipos infantil mixto de Ferrol e o masculino dos santiagueses, que como o partido cadete tivo dúas caras diferenciadas, durante os primeiros cuartos os visitantes dominaron o marcador, pero dous últimos cuartos favorables aos ferrolanos deulles a vitoria aos locais por seis goles a catro nun emocionante encontro.
LIGA GALEGA INFANTIL MIXTA
CM FERROL – CW SANTIAGO MASCULINO 6- 4 (1-1; 0-0; 0-1; 2-2; 2-0; 1-0)
CW SANTIAGO: MAGIN LOPEZ (1), BIEITO CARBALLO, PEDRO RUBAL (1), ARTAI ANTELO (1), ANTON FAGUNDEZ, GABRIEL BALSA, AIRAS CAAMAÑO, RODRIGO CARRILLO, GUILLERMO CARRILO (1), MARIO CALZADILLA, SAUL PAPIN
CLUB WATERPOLO SANTIAGO 