Na categoría alevín tamén houbo grandes resultados para os equipos santiagueses.
Pola súa banda, o Alevín B competiu a bo nivel en Vigo, aínda que acabou caendo por 8-5 nun partido moi disputado.
Os equipos infantís completaron unha fin de semana moi positiva.
A única derrota chegou no desprazamento a Vigo, onde La Merenguela caeu por un axustado 6-4 nun encontro moi igualado ata o final.
Excelente fin de semana tamén para o equipo cadete mixto, que conseguiu dúas contundentes vitorias. Primeiro superou ao ACW por 10-0 grazas a unha gran defensa e, posteriormente, venceu ao CW As Mariñas por 15-2 nun encontro dominado desde o inicio.
O conxunto feminino sumou unha clara vitoria por 23-3 fronte ao CW As Mariñas nun encontro moi completo das locais. O partido permitiu ademais repartir minutos entre as xogadoras máis novas, que continúan acumulando experiencia e progresión competitiva.
O equipo absoluto masculino do Club Waterpolo Santiago certificou o subcampionato da Liga Galega de División de Honra tras vencer con autoridade ao Pabellón Ourense por 22-5 en Santa Isabel. Os santiagueses dominaron o encontro desde o primeiro cuarto e continúan asinando unha gran tempada.
O Club Waterpolo Santiago completou unha intensa fin de semana de competicións cun balance moi positivo en todas as categorías, sumando numerosas vitorias, asegurando o subcampionato da Liga Galega Absoluta Masculina e deixando grandes sensacións tanto nos equipos de base como nos conxuntos absolutos.
O venres 15 de maio, o equipo absoluto masculino recibiu en Santa Isabel ao Pabellón Ourense na penúltima xornada da Liga Galega Absoluta Masculina de División de Honra.
Tras un inicio igualado, os santiagueses impuxeron o seu ritmo de xogo e comezaron a abrir diferenzas xa desde o primeiro cuarto, chegando cunha vantaxe de catro goles ao final do mesmo. Cunha defensa sólida e un ataque moi efectivo, o CW Santiago foi aumentando progresivamente a renda ata pechar o encontro cun contundente 22-5.
Con esta vitoria, o equipo compostelán certifica matematicamente o subcampionato ligueiro a falta dunha xornada para o remate da competición.
A actividade continuou o sábado coa visita do ACW ás instalacións de Santa Isabel, nunha xornada moi positiva para os equipos locais.
Antes dos encontros fronte ao ACW disputouse o partido de volta entre os equipos A e B do club. O Santiago A levou a vitoria por 12-3 nun encontro dominado desde o inicio.
O conxunto infantil venceu con claridade por 10-0, nun partido no que todos os xogadores e xogadoras tiveron minutos para seguir progresando.
Nova vitoria santiaguesa, tamén por 10-0, nun encontro marcado pola gran defensa local, que non concedeu ningún tanto ao rival.
A xornada pechouse cun novo triunfo local. O Santiago B impúxose por 12-2 nun encontro cómodo e controlado de principio a fin.
Tamén durante a fin de semana, os equipos alevín B e infantil La Merenguela desprazáronse a Vigo para disputar os seus respectivos encontros ligueiros.
O alevín B caeu por 8-5, mentres que o infantil perdeu por un axustado 6-4, en dous partidos moi igualados e emocionantes.
Malia as derrotas, ambos equipos demostraron carácter, intensidade e unha notable evolución no xogo, competindo ata o final ante rivais moi esixentes.
A última xornada da fin de semana disputouse o domingo en Santa Isabel coa visita do CW As Mariñas, nunha mañá perfecta para os intereses do club santiagués, que sumou catro vitorias en catro encontros.
O primeiro encontro da mañá rematou cunha clara vitoria local por 11-1, resultado que mantén ao equipo na segunda posición da clasificación.
O CW Santiago dominou o partido desde a defensa, sen dar opción ao conxunto coruñés. O encontro quedou practicamente decidido no segundo cuarto cunha vantaxe de cinco goles que os locais foron ampliando ata o resultado final.
O equipo infantil conseguiu unha cómoda vitoria por 15-8 nun encontro que xa dominaba claramente ao descanso cunha renda de seis goles. Todos os xogadores dispuxeron de minutos para seguir demostrando a súa progresión.
O equipo absoluto feminino sumou tamén un contundente triunfo por 23-3 nun encontro decidido practicamente ao descanso grazas á superioridade local.
A ampla vantaxe permitiu repartir minutos entre as xogadoras máis novas, que continúan acumulando experiencia competitiva.
A xornada pechouse cunha nova vitoria do cadete mixto por 15-2. Un gran inicio de partido permitiu aos santiagueses abrir unha vantaxe de cinco goles moi cedo, facilitando posteriormente a rotación e o reparto de minutos entre os xogadores menos habituais.
