O equipo feminino de División de Honra protagonizou un dos encontros máis emocionantes da fin de semana ao empatar 6-6 fronte ao RCN Vigo. Ambos equipos chegaban ao partido xogándose a segunda posición da clasificación e o duelo respondeu ás expectativas, cun marcador moi igualado durante os catro períodos. Finalmente, o empate mantén ás viguesas na segunda praza, aínda que as santiaguesas deixaron unha gran imaxe competitiva.
O Sábado o equipo cadete mixto do CW Santiago tivo unha complicada xornada matinal ante un RCN Vigo moi superior fisicamente e no xogo. Os visitantes marcaron diferenzas desde os primeiros minutos e acabaron levando a vitoria por 4-19.
Xa de tarde o equipo cadete masculino disputou dous encontros. O primeiro deles fronte ao CW Pontevedra Masculino, nun partido no que un mal inicio dos santiagueses permitiu aos visitantes abrir unha vantaxe importante que souberon manter ata o definitivo 6-11.
Xa na xornada da tarde no domingo 24-5-2026 en Coruña, o CW Santiago pechou a fin de semana cunha cómoda vitoria por 1-10 ante o ACW, nun encontro que serviu para continuar dando minutos e experiencia aos xogadores máis novos do equipo.
O equipo infantil La Merenguela disputou un esixente encontro fronte ao RCN Vigo, segundo clasificado da competición. Os santiagueses realizaron un bo inicio, competindo de ti a ti durante os primeiros minutos, pero os erros ofensivos e algúns despistes defensivos permitiron aos visitantes abrir diferenzas no marcador ata o 4-9 final. Xa pola tarde, o equipo desprazouse a Coruña para enfrontarse ao ACW, conseguindo unha nova vitoria por 0-10. O encontro quedou practicamente resolto no segundo cuarto e permitiu repartir minutos entre todos os xogadores.
Gran fin de semana para o equipo infantil B do CW Santiago, que conseguiu dúas importantes vitorias. O domingo pola mañá, os santiagueses superaron con claridade ao CW Pontevedra Boa Vila por 14-4 nun encontro dominado desde o inicio.
O CW Santiago B afrontou unha dobre xornada durante a fin de semana, competindo ante RCN Vigo e os equipos do CW Pontevedra. No primeiro encontro, os santiagueses caeron por 2-12 fronte a un rival moi sólido que dominou desde os primeiros minutos. Xa no domingo, os locais volveron competir con intensidade ante o CW Pontevedra Turuqoa, nun encontro no que os máis novos nunca deixaron de loitar pese ao resultado final de 6-11.
No segundo encontro da mañá, o CW Santiago A – medíase ao CW Pontevedra Teucro. Os santiagueses mantiveron o partido igualado durante os dous primeiros cuartos, pero o acerto visitante no terceiro período acabou sendo decisivo para o definitivo 7-16. Máis aló dos resultados, o equipo continúa acumulando experiencia e minutos de competición.
Nova fin de semana cargada de encontros para os equipos do Club Waterpolo Santiago, cunha auténtica maratón de partidos tanto en Santa Isabel como nos desprazamentos a Coruña. Os santiagueses disputaron unha ampla programación de encontros en diferentes categorías, sumando varias actuacións destacadas e dúas importantes vitorias no peche da xornada.
A actividade comezou o sábado coa visita do RCN Vigo ás instalacións de Santa Isabel. A xornada deixou un balance complicado para os locais, con tres derrotas e un empate no último encontro do día.
O primeiro partido disputouse na categoría alevín, onde o CW Santiago B caeu derrotado por 2-12. O conxunto vigués impuxo o seu ritmo desde o inicio e, malia o esforzo dos locais, acabou levando unha vitoria clara.
Na categoría infantil, o CW Santiago La Merenguela realizou un bo comezo fronte ao segundo clasificado da liga, competindo de ti a ti durante os primeiros minutos. Porén, os erros ofensivos e algúns despistes defensivos permitiron aos visitantes abrir diferenzas no marcador ata establecer o definitivo 4-9.
O terceiro encontro correspondeu á categoría cadete mixta, cun RCN Vigo moi superior desde o inicio, que acabou vencendo con claridade por 4-19.
A xornada do sábado pechouse co duelo da División de Honra feminina, no que CW Santiago e RCN Vigo se xogaban a segunda posición da clasificación. Tal e como se agardaba, o encontro foi moi igualado durante os catro períodos e rematou cun empate 6-6, resultado que permite ás viguesas manter esa segunda praza.
O domingo continuou a intensa actividade cunha dobre xornada para os equipos santiagueses. Pola mañá disputáronse catro encontros en Santa Isabel, cun balance dunha vitoria e tres derrotas.
O primeiro duelo enfrontou ao CW Santiago B co CW Pontevedra Turuqoa en categoría alevín, cun triunfo visitante por 6-11. A pesar do resultado, os máis novos ofreceron unha boa imaxe, loitando ata o final sen baixar os brazos.
No segundo encontro da mañá, tamén en categoría alevín, o CW Pontevedra Teucro impúxose por 7-16. Os santiagueses mantiveron o partido igualado durante os dous primeiros cuartos, pero un forte parcial dos visitantes no terceiro período acabou sendo decisivo.
A alegría local chegou na categoría infantil, onde o CW Santiago B venceu con claridade ao CW Pontevedra Boa Vila por 14-4. O equipo santiagués dominou o encontro desde o inicio, ampliando diferenzas en cada cuarto ata conseguir unha merecida vitoria.
Na categoría cadete masculina, o CW Pontevedra levou o triunfo por 6-11. Un mal inicio dos locais permitiu aos visitantes abrir unha renda de cinco goles que os santiagueses non puideron recuperar, malia mellorar notablemente no aspecto defensivo durante a segunda metade.
Xa pola tarde, os equipos desprazáronse á Coruña para disputar os dous últimos encontros da fin de semana fronte ao ACW, ambos resoltos con cómodas vitorias santiaguesas.
Na categoría infantil, o CW Santiago venceu por un contundente 0-10 nun partido que quedou practicamente decidido no segundo cuarto, permitindo ademais repartir minutos entre todos os xogadores.
Para pechar a intensa fin de semana, o equipo cadete sumou unha nova vitoria por 10-1 nun encontro cómodo que serviu para que os xogadores máis novos continúen gañando experiencia competitiva.
O equipo absoluto masculino do Club Waterpolo Santiago confirmou matematicamente o subcampionato da Liga Galega de División de Honra tras vencer con autoridade ao Pabellón Ourense por 22-5 na penúltima xornada da competición.
O conxunto santiagués afrontaba o encontro coa oportunidade de asegurar a segunda posición da táboa diante da súa afección en Santa Isabel, e respondeu cun partido moi completo tanto en defensa como en ataque.
O inicio foi igualado durante os primeiros minutos, pero o CW Santiago conseguiu romper rapidamente o partido grazas á intensidade defensiva e á velocidade nas transicións ofensivas. Xa ao remate do primeiro cuarto os locais dominaban cunha vantaxe de catro goles que marcaría o desenvolvemento do encontro.
Co paso dos minutos, os santiagueses foron ampliando progresivamente a diferenza no marcador, controlando o ritmo do partido e demostrando unha gran superioridade en todas as facetas do xogo. A ampla renda permitiu ademais repartir minutos entre todos os xogadores convocados.
O encontro rematou cun contundente 22-5, resultado que certifica unha excelente tempada do equipo compostelán, asegurando de maneira matemática o subcampionato ligueiro a falta dunha xornada para o final da competición.
O éxito ligueiro chega poucos meses despois doutro dos grandes momentos da tempada para o club: a conquista da Copa Galega Absoluta Masculina, acadada tras superar ao CW Pontevedra nun intenso e emocionante derbi galego.
Aquel título tivo ademais un valor especial para o Club Waterpolo Santiago, xa que durante esa mesma fin de semana o club conseguiu tamén superar ao conxunto pontevedrés na categoría absoluta feminina, asinando un dobre triunfo de enorme impacto competitivo e simbólico para a entidade santiaguesa.
O subcampionato ligueiro e o título copeiro confirman así a gran evolución do waterpolo compostelán e consolidan ao CW Santiago como un dos grandes referentes actuais do waterpolo galego, tanto no ámbito masculino como feminino.
