VITORIA FEMININA EN VIGO
Comezou o play off semifinal da Liga Galega Absoluta Feminina este pasado domingo na piscina do náutico de Vigo co enfrontamento entre as locais e o CW Santiago, que rendía visita con ganas de mellorar a imaxe do último enfrontamento entre ambos equipos onde as viguesas foron moi superiores. Partido con defensas férreas pero un primeiro parcial dun a cero no primeiro cuarto puxo ás locais por diante. O segundo periodo as santiaguesas conseguiron darlle a volta ao marcador e chegar ao descanso por diante cun resultado dun a dous que lles daba unha mínima vantaxe, de novo un parcial dun a cero para as locais deixaba o último cuarto con empate a dous e todo por decidir, e un último parcial de dous a tres para as visitantes dáballes a vitoria por un resultado final de catro a cinco e o primeiro punto da semifinal ao mellor de tres encontros.
PLAY OFF LIGA GALEGA ABSOLUTA DIVISION DE HONOR FEMININA
RCN DE VIGO – CW SANTIAGO 4 – 5 (1-0; 0-2; 1-0; 2-3)
CW SANTIAGO: SANDRA GOMEZ, AMANDA PREGO (2), ROSALIA REY (1), LAURA SANLUIS, NATALIA ROCHA (1), UXIA SANLUIS, CARLA PINALES, LAURA DORADO, ELENA VAZQUEZ, MERCEDES VIDAL, CECILIA COBAS (1)
CLUB WATERPOLO SANTIAGO 