O combinado benxamín formado por xogadores e xogadoras do CW As Mariñas e do Club Waterpolo Santiago acadou unha brillante segunda posición no Campionato Galego Benxamín Mixto de Verán disputado en Cervo.
A competición contou cun formato especial no que os dous participantes, o RCN Vigo e o combinado As Mariñas–Santiago, disputaron dous encontros para decidir o título autonómico.
Os partidos estiveron marcados pola igualdade, a emoción e o entusiasmo propio destas categorías de formación. No primeiro encontro, o combinado loitou ata o final pero acabou cedendo por un axustado 5-3 ante o conxunto vigués.
No segundo partido, os máis pequenos ofreceron unha magnífica actuación e lograron un valioso empate a oito goles, nun encontro moi disputado que fixo gozar ao numeroso público presente nas bancadas.
Finalmente, o RCN Vigo proclamouse campión galego, mentres que o combinado formado por xogadores do CW As Mariñas e do CW Santiago acadou unha meritoria segunda posición.
Máis aló dos resultados, a fin de semana serviu para seguir acumulando experiencia competitiva, reforzar a formación dos máis pequenos e continuar construíndo o futuro do waterpolo galego desde a base.
Os composteláns completan unha tempada destacada con dous subcampionatos e o título de liga
Brillante actuación do CW Santiago en Riazor
O Club Waterpolo Santiago acadou o subcampionato no Campionato Galego Benxamín mixto de Verán, celebrado o pasado 7 de xuño na piscina de Riazor, na Coruña. O torneo reuniu a seis equipos da comunidade, entre eles os máis novos do club compostelán, que demostraron un alto nivel competitivo ao longo da xornada.
O evento, organizado pola Federación Galega de Natación (FEGAN) E o CW CORUÑA RÍAS ALTAS, serviu como peche da tempada estival na categoría benxamín, combinando deporte, aprendizaxe e valores formativos nunha contorna lúdica.
Subcampións Campeonato Benxamín Mixto de verán
Fase de grupos: inicio con vitoria e pase ás semifinais
O CW Santiago quedou encadrado no grupo A xunto ao RCN de Vigo e ao CW Pontevedra Corvaceiras. O primeiro encontro saldouse cunha vitoria para os santiagueses por 7-4 fronte ao club vigués, mostrando un xogo sólido e eficaz.
Porén, no segundo partido, o CW Pontevedra Corvaceiras impúxose con claridade cun marcador de 9-0, o que situou ao equipo compostelán como segundo do seu grupo. Esta posición deulle acceso á semifinal contra o primeiro clasificado do grupo B, o CW Coruña.
Benxamín do CWS
Unha semifinal para lembrar
Na semifinal, o CW Santiago protagonizou un dos mellores partidos do campionato. Cunha actuación brillante, venceu ao CW Coruña cun contundente 9-3. A adestradora do equipo, Ceci Cobas, sinalou que “os rapaces fixeron un partido perfecto, concentrados desde o primeiro minuto e moi solidarios en defensa”.
Este triunfo deu acceso á gran final, onde os santiagueses volveron enfrontarse ao CW Pontevedra Corvaceiras, que derrotara ao Marina Ferrol na outra semifinal.
Final igualada
Final igualada con ganancia para os de Pontevedra
marcador grazas a unha xogada de contraataque. No cuarto tempo, o CW Pontevedra Corvaceiras aumentou a vantaxe cun segundo gol, e os erros na finalización pasaron factura ao CW Santiago.
Xa no tramo final, a diferenza ampliouse ata un 6-0 definitivo. Aínda así, o equipo santiagués mantivo a intensidade ata o último minuto, destacando o espírito de superación e a deportividade.
Un balance positivo para unha tempada notable
Con este resultado, o CW Santiago pecha a tempada cun balance moi positivo: título de liga e dous subcampionatos nas competicións autonómicas
“É unha xeración que vén traballando moi ben desde hai dous anos. Estes resultados reflicten o esforzo de todo o grupo e das familias”
O pasado sábado, os nosos benxamíns protagonizaron un dos momentos máis emocionantes da tempada. Chegaban á última xornada coa posibilidade de proclamarse campións da Liga Galega Benxamín, e non fallaron. A pesar dun primeiro parcial complicado no que o rival se adiantou no marcador, os máis pequenos do club demostraron carácter, concentración e moita calidade para darlle a volta ao encontro.
Screenshot
Screenshot
Co paso dos minutos, foron impoñendo o seu ritmo de xogo, ben organizados na defensa e cun ataque eficaz e creativo. O resultado final, un claro 5-10, certificou non só a vitoria, senón o merecido título de campións galegos, froito do esforzo, compromiso e evolución constante durante toda a tempada. 💙 Un orgullo para o club ver como medran deportiva e persoalmente. Noraboa, campións!
A piscina de Santa Isabel viviu este sábado unha xornada de emocións intensas coa celebración dunha nova rolda de encontros nas categorías base, que volveron poñer de manifesto o gran traballo que está a realizar o Club Waterpolo Santiago coas novas xeracións. O primeiro choque do día, correspondente á categoría Benxamín, converteuse nunha auténtica lección de carácter, ilusión e xogo colectivo.
Enfrontábanse o equipo local e o CW Pontevedra nun duelo que prometía espectáculo… e non defraudou. Os minutos iniciais foron complicados para os composteláns, que saíron algo atenazados e cometendo erros nos pases e na defensa. O rival aproveitou ese desconcerto inicial para poñerse por diante no marcador cun contundente 0-2, que fixo soar as alarmas na bancada santiaguesa.
Pero foi entón cando os máis pequenos do Club Waterpolo Santiago decidiron sacar á luz todo o traballo feito durante os adestramentos. Cunha defensa máis agresiva, maior mobilidade en ataque e un xogo máis fluído, foron medrando no partido ata lograr o empate, primeiro, e despois culminar a remontada cun emocionante 4-3 final que fixo estourar de ledicia ás familias e afección presente.
Algúns dos xogadores e xogadoras da categoria Benxamín do CW Santiago o pasado fin de semana.
A técnica santiagués amosouse orgullosa ao remate do partido: “Foi unha vitoria construída desde a actitude. Non baixaron os brazos en ningún momento e iso é o que máis valoramos nestas idades. Competiron, sufriron e gañaron merecidamente”.
Este tipo de encontros demostran que o Club Waterpolo Santiago non só traballa pola competición, senón tamén pola formación integral dos seus deportistas desde ben cedo. Os valores como o compañeirismo, a constancia e a paixón polo deporte fanse evidentes cada vez que saltan á auga. E o deste sábado foi un claro exemplo diso.
Con resultados como este, queda claro que o futuro do club está en boas mans. A canteira empurra forte e Santa Isabel é, cada vez máis, unha fábrica de ilusións e talentos para o waterpolo galego.
Exhibición e vitoria rotunda do Club Waterpolo Santiago contra CWPONTEVEDRA
Xornada que enfrontou aos máis novos do Club Waterpolo Santiago ante o equipo B de Pontevedra. Nun partido cheo de dedicación e bo xogo, os xogadores máis novos do club demostraron o seu avance cunha contundente vitoria por 8-0. A solidez defensiva e a eficacia no ataque permitiron ao equipo de Santiago dominar de principio a fin, deixando grandes sensacións para o futuro.
O noso equipo de Benjamín acadou a subcampión tras rematar como líder do grupo B onde venceu por 8-3 ao Coruña, e 9-0 ao Pontevedra o Burgo, caendo na final ante o outro equipo do Pontevedra 8-3
Duelo fratricida o sábado entre os dous equipos alevíns. O equipo ¨A¨ venceu, non sen apuros, ao equipo ¨B¨ por un resultado final de 11-7. Por outra banda,o equipo alevín ¨B¨ de primeiro ano non deixou de pelexar ata o ultimo minuto do partido, parabéns a ambos.
O CW SANTIAGO SUBCAMPEON ALEVIN E CAMPEON BENJAMIN
Este pasado sábado disputouse nas piscinas de riazor na Coruña os campeonatos galegos alevín e benxamín de inverno con unha excelente actuación dos equipos do club waterpolo Santiago, que conseguiron o sub-campionato en categoría alevín, despois de gañar en cuartos ó anfitrión, o waterpolo Coruña por cinco goles a tres, en semifinais o club Marina Ferrol por seis goles a cinco, e caeu derrotado na gran final ante o Náutico de Vigo, non sen loitar e estar en todo momento cerca no marcador para acabar caendo derrotado por sete goles a cinco. Pese a la derrota final, gran actuación dos santiagueses que souberon sobrepoñerse ás baixas e loitaron ata a extenuación conseguindo un magnífico resultado.
CAMPIONATO GALEGO ALEVIN DE INVERNO
CUARTOS DE FINAL CW CORUÑA – CW SANTIAGO 3 – 5
SEMIFINALES CW SANTIAGO – CM FERROL 6 – 5
FINAL CW SANTIAGO – RCN DE VIGO 5 – 7
CW SANTIAGO:ANDRE SOTELO, RODRIGO CARRILLO, NOA VIEITES, MATEO MACIAS, GUILLERMO RICART, LUCIA PEÑA, IAGO PEREZ, AIRAS CAAMAÑO, GABRIEL ULOD, GONZALO DE LA MATA.
Pola súa parte tamén disputaron o seu campionato de inverno os máis pequenos do club,os nosos benxamíns. Os santiagueses presentábanse con dous equipos dada a cantidade de xogadores de base e que iniciaron este ano os adestramentos cos santiagueses. Gran actuación de ambos conxuntos que se enfrentaban a dous equipos de Pontevedra tamén. O equipo A santiagués gañou sen problemas ó equipo B pontevedrés, ó que venceu por un claro oito a cero na primeira semifinal e dáballe o pase a gran final da tarde. Pola súa parte o equipo B santiagués deu a sorpresa ó vencer o equipo A de Pontevedra, nun duelo non apto para cardíacos que caeu para os santiagueses na morte súbita, despois de chegar a final do encontro con empate a dous. Xogouse unha prórroga donde os santiagueses conseguiron marcar e finalizar gañando o encontro que lles daba o pase a final, e un enfrentamento entre os dous equipos santiagueses.
Xa pola tarde a gran final caeu do lado do equipo A santiagués que venceu por un cómodo dez a cero a un equipo B santiagués que notou o gran esforzo realizado na semifinal. Aínda así, magnífico resultado para os santiagueses, que da conta do gran traballo que se está realizando na canteira compostelana.
CAMPIONATO GALEGO BENXAMIN DE INVERNO
1º SEMIFINAL CW SANTIAGO A – CW PONTEVEDRA B 8 – 0
2º SEMIFINAL CW PONTEVEDRA A – CW SANTIAGO B 2 – 3
FINAL CW SANTIAGO A – CW SANTIAGO B 10 – 0
CW SANTIAGO “A”:MARTIN BARREIRO, ISAAC PAPIN, SOFIA UZAL, IVAN VIEITES, GAEL CAAMAÑO, LUCAS VAZQUEZ, ANDREA GONZALEZ
CW SANTIAGO “B”:XURXO CARRACEDO, ENZO MERA, DANIEL SUAREZ, THIAGO SANCHEZ, RODRIGO CONSEIL, CARMELA BARREIRO, XIANA CARBALLO, DANIEL HERNANDEZ
DIA: SABADO 21 DE XANEIRO PARTIDO: 1º PARTIDO CW SANTIAGO A -CW PONTEBEDRA B 11:30hr 2º PARTIDO RCN VIGO – CW SANTIAGO A 12:30 hr 3º PARTIDO, HORARIO EN FUNCION DOUS RESULTADOS PISCINA RIAZOR, A CORUÑA DESPRAZAMENTO: 8:15 EN BUS, DENDE SANTA ISABEL
XOGADORES CONVOCADOS
MARTIN BARREIRO
ANDREA GONZALEZ
IVAN VIEITES
ISAAC PAPIN
LUCAS VAZQUEZ
GAEL CAAMAÑO
SOFIA UZAL
CARLOTA FAGUNDEZ
LEMBRAR A TODOLOS XOGADORES CONVOCADOS QUE DEBEN LEVAR O D.N.I ORIXINALE 15 € PARA A COMIDA
DIA: SABADO 21 DE XANEIRO PARTIDO: 1º PARTIDO CW PONTEVEDRA A – CW SANTIAGO B, 11:50 2º PARTIDO, HORARIO EN FUNCION DO RESULTADO PISCINA RIAZOR, A CORUÑA DESPRAZAMENTO: 8:15 EN BUS, DENDE SANTA ISABEL
XOGADORES CONVOCADOS
ENZO MERA
XURXO CARRACEDO
DANIEL SUAREZ
THIAGO SANCHEZ
RODRIGO CONSEIL
CAMELA BARREIRO
MANUEL BARREIRO
XIANA CARBALLO
DANIEL HERNANDEZ
LEMBRAR A TODOLOS XOGADORES CONVOCADOS QUE DEBEN LEVAR O D.N.I ORIXINAL E 15 € PARA A COMIDA
CLUB WATERPOLO SANTIAGO 