Como tódolos anos e debido a que a piscina de Sar empeza a funcionar no seu réxime de verano, compre modificar os horarios de adestramentos do clube, que quedan como segue:
Etiqueta: 2012
O CW Santiago conquista o doblete
O Club Waterpolo Santiago proclamouse campión da Copa Galega de Wáterpolo ao derrotar na final por 8-6 ao CW Galaico Pontevedra, nunha reedición da pasada final da liga galega. O partido reflexou a rivalidade deportiva existente entre os dous clubes, proporcionando aos espectadores o excelente espectáculo no que redunda un disputado partido de wáterpolo.
Con este titulo o CW Santiago conquista na categoría absoluta os dous títulos galegos, liga e copa, resultando nunha tempada espectacular para o clube.
Esperemos que os éxitos deportivos veñan acompañados dunha maior resposta da sociedade compostelá e que as peticións de axuda que dende a directiva do clube estánse a trasladar a empresas e institucións sexan correspondidas cara á vindeira tempada.
Participación do CW Santiago na copa absoluta feminina de wáterpolo
O Club Waterpolo Santiago participou o pasado 2 de xuño na copa galega absoluta feminina de wáterpolo. A competición disputouse en formato liguiña entre os tres equipos existentes na nosa Comunidade Autónoma, quedando campión o CW Galaico Pontevedra, subcampión o CN Coruña e terceiro clasificado o CW Santiago.
Noraboa ao campión: CW Galaico Pontevedra.
Na competición, o equipo de wáterpolo feminino do CW Santiago experimentou unha notable melloría, síntoma de que o camiño iniciado é o correcto. Animamos dende aquí a tódalas mulleres e rapazas que desexen probar un deporte distinto, que experimenten co wáterpolo; no que se une a maxia da auga coa emoción dos deportes de equipo. Todas elas serán benvidas ao noso clube, no que a igualdade de xénero é unha das súas premisas básicas.
Esperemos que os éxitos deportivos veñan acompañados dunha maior resposta da sociedade compostelá e que as peticións de axuda que dende a directiva do clube estánse a trasladar a empresas e institucións sexan correspondidas cara á vindeira tempada.
Fin da participación da selección infantil galega no campionato nacional
A selección infantil galega de waterpolo finalizou a súa participación no Campionato de España de Wáter-Polo Infantil Mixto por Federacións Territoriais, celebrado en Xaén do 29 de marzo ao 1 de abril de 2012.
No último partido, os xogadores dirixidos por Xavi Pérez perderon fronte ao equipo da Federación da Comunidade Valenciana por un rotundo 11-3. No global do campionato a selección acadou un total de 15 goles, sendo o máximo goleador Francisco Pedreira, con 6 tantos.
O gañador do campionato foi a selección catalana que impuxose na final á selección madrileña por 11-5. Noraboa aos campións (na foto).
Entrevista en SantiagoTV
O recente éxito deportivo do clube ao proclamarse por terceiro ano consecutivo campión da Liga Galega Absoluta, propiciou que moitos dos medios de comunicación locais da cidade de Santiago se interesasen polo clube, obtendo, así, unha promoción adicional das nosas actividades.
En concreto, o 26/3/2012 o programa La prórroga de SantiagoTV entrevistou á presidenta, ao entrenador e mais a Pablo Piñeiro, en representación dos xogadores do equipo absoluto, para faltar do título recén conseguido.
Pódedes ver a continuación a entrevista completa:
Tamén podedes seguir a canle YouTube do clube: http://www.youtube.com/user/CWSantiago/videos
Derrota da selección galega infantil no campionato español 2012
A selección infantil galega de waterpolo perdeu o seu primeiro partido no Campionato de España de Wáter-Polo Infantil Mixto por Federacións Territoriais, que celébrase en Xaén do 29 de marzo ao 1 de abril de 2012.
Os waterpolistas galegos enfrentaronse ao equipo da Federación Navarra, perdendo por 4-11.
Pola selección galega anotaron Oscar Montes, Francisco Pedreira (2) e Pablo Teijeira.
O próximo partido disputarase o 31/03/2012 ás 12:00 horas fronte á Federación Ceuta.
Os resultados pódense seguir en tempo real no sitio web da Federación Española de Natación.
Campionato infantil seleccións territoriais 2012
O Campionato de España Infantil Mixto de Wáter-Polo por Federacións Territoriais celébrase en Xaén do 29 de marzo ao 1 de abril de 2012.
O Campionato de España de Wáter-Polo Infantil Mixto por Federacións Territoriais é a única proba por seleccións existente no Wáter-Polo Nacional. Ao finalizar o campionato, o seleccionador da RFEN para categorías inferiores elixirá dous xogadores por cada selección para ir á Concentración Nacional de Wáter-Polo Infantil. Desta selección sairá un equipo que podería representar a España nun Campionato Internacional da categoría.
CLUB WATERPOLO SANTIAGO 