UNHA VITORIA E DUAS DERROTAS ANTE NAUTICO DE VIGO
Unha vitoria e dúas derrotas é o balance do club waterpolo Santiago na xornada do tres de decembro celebrada nas instalacións de Santa Isabel ante o Náutico de Vigo. Dúas derrotas en categoría alevín e cadete mixta, pero con sensible melloría na repetición da xornada disputada fai dúas semanas en Vigo ante os mesmos equipos, e unha vitoria que se produxo en categoría absoluta de segunda división con máis problemas que na mesma xornada que nos encontros anteriores.
O primeiro encontro en disputarse foi en categoría alevín mixta, encontro onde os santiagueses caeron por nove goles a tres dando unha imaxe moito máis de equipo e loita, e que os mantivo durante a metade do encontro loitando pola vitoria, pero un mal cuarto período onde os vigueses tiveron unha gran puntería distanciounos no marcador que os locais xa non puideron remontar.
O segundo encontro foi en categoría cadete mixta, onde o equipo santiagués feminino caeu por dez goles a tres, pese a lo gran traballo das nosas rapazas que seguen crecendo a pasos axigantados e que como os alevínes deron unha gran imaxe, non baixando en ningún momento a intensidade e traballando como conxunto.
Por último disputouse o encontro en categoría absoluta de segunda división masculina entre os equipos B de ambos conxuntos, e de novo vitoria dos santiagueses, esta vez menos cómoda que no encontro de ida, pero en definitiva unha vitoria que de momento e con tres encontros de liga disputados os mantén líderes.
LIGA GALEGA ABSOLUTA MASCULINA 2ª DIVISION
CW SANTIAGO B – RCN DE VIGO B 9- 6 (2-1; 1-1; 3-3; 3-1)
CW SANTIAGO: ROBERTO CARRO, CARLOS ORDOÑEZ (1), EMMANUEL NIETO (1), NICOLAS COLLAZO, FERNANDO FERRER (6), JESUS PEREZ, GUILLERMO CARRILLO, SAMUEL GONZALEZ (1), YAGO DIAZ, ANTONIO MOSCOSO, ANGEL RODRIGUEZ, RAUL SEOANE
LIGA GALEGA CADETE MIXTA
CW SANTIAGO FEMENINO – RCN DE VIGO 3 – 10 (1-4; 1-0; 1-6; 0-0)
CW SANTIAGO: CARLA DIAZ, SARAY GUILBERT (1), CANDELA RUBAL (1), UXIA UZAL (1), ARIANA COLLAZO, XULIA GAREA, IRENA ORDOÑEZ, EMMA SANTAMARIA, CIRA SAMPAYO, ALBA MARIA CASTILLO, CARLOTA PEREZ, NOA VIEITES
LIGA GALEGA ALEVIN MIXTA
CW SANTIAGO – RCN DE VIGO 3 – 9 (0-0; 0-2; 0-0; 1-3; 0-3; 2-1)
CW SANTIAGO: ANDRE SOTELO, MATEO MACIAS, RODRIGO CARRILLO (2), NOA VIEITES, ADRIAN ODILON, AIRAS CAAMAÑO (1), GABRIEL ULOD, GAEL CAAMAÑO, ANDREA GONZALEZ
CLUB WATERPOLO SANTIAGO 